Миний сургууль

Эрдэм номын  буян гэгээ цацруулсан
Эх орны хөгжлийн эхлэл
Үйлс төгөлдөр ачит багш нараараа гоёсон
Үзэсгэлэнт эрдэм оюунт шавиудаараа гоёсон

                 Миний сургууль 15-р сургууль
                 Математикын гүнзгийрүүлсэн сургалттай алтан өргөө

Эрдэм мэдлэгээ харамгүй хайрласан 
Багш таныхаа нэр алдрыг
Эрхэмсэг үрс нь үеийн үед дуурсгаж
Эрдэм мэдлэг оюун ухаанаараа гоёно
              Миний сургууль 15-р сургууль
             Математикын гүнзгийрүүлсэн сургалттай алтан өргөө 
 Сайхан сэтгэлт хүмүүсээр эрдмийн багаа бүрдүүлсэн
Санаа сайт үрсээр эрдмийн өргөөгөө чимсэн
Ухаант мэргэдийн ажлын талбар нь болсон
Уран бүтээлчидийн мэргэжлийн гэр нь болсон                     
Миний сургууль 15-р сургууль  
                 Математикын гүнзгийрүүлсэн сургалттай алтан өргөө

Би

Туурга тусгаар монгол улсын
Тулгын 3-н чулууны суурыг тавьсан
Тулганд ноцох галны дөл нь болж бадарсан
Түмэн олны хайр ивээлээр хүн болсон
Би туурайн тамгатай монголын иргэн
Би тугандаа төргөж соёмбо шүтсэн монгол...
Аавынхаа харцаар томоожиж,ээжийнхээ сэтгэлд эрхэлсэн
Адууныхаа нуруунд хийморьжиж айрагныхаа амтанд дурласан
Таван хошуу талынхаа сүргийг харж баяссан
Тал уудам нутгийнхаа онгон байгальд ноёрхсон
Би ээжийн сүүний үргэлжлэл эр хүн
Би эцгийн буурь залгах үүрэг хүлээсэн эр хүн
Тиймээ би тэнгэр заяат монгол бодгаль
Тэнгэрээ шүтэж газар усаа тахисан
Тэргүүн заяат Чингэсийн үр сад
Тиймээ би мориндоо дарцаглагдсан монгол эр хүн.

Намайг хайрла

Ариухан энэ хайрынхаа талыг
Амрагхан бүсгүй чамдаа бэлэглэчихээд
Уудам энэ дэлхийд тавтай алхах юмсан
Уяран хайлсан зүрхийг чинь өөрийн болгочихоод
Ухаалаг хонгор чамдаа үнсүүлэх юмсан... 

Зүрх минь энэ бүхнийг чамаас хүснэ
Зүггүй хайр минь чамд тушаана
Сэтгэл минь бусдаас чамайг харамлана
Сэвгүй хайр минь чамд улам л дурлана
Тиймээс л зүрхэнд минь орших мөрөөдлийг биелүүл
Тэнгэрлэг охин чи намайг л хайрла.

Архи

Нэгэн биеийг минь хоёр нүүрлүүлэгч
Нэрмэл нэртэй гашуун ус чи
Сайхан монгол орны минь
Дайчин зоригтзанг юунд золиослоно вэ
Идээ ундааны дээд сархад чи
Эгнэшгүй ардыг минь юунд тарчлаана вэ
Чамд дурласан эрчүүд минь гудамжинд гарсаар л
Чамайг амталсан эхчүүд дайсанд биш архинд уусаад л
Дархан хил минь спиртэнд уусаад л
Хамаг монгол оронд минь юу тохиолдоно вэ
Халдашгүй нүүдэлчдийн минь амьдралд юунд саад болно вэ
Ухаант ардын минь сийрэг тэргүүнийг
Гашуун ус чи юунд цангааг нь тайлна вэ
Усны шувууд шиг нисэн ирэх үрсийн минь
Гарц замыг хааж хөгжилт улсыг минь юунд хорлоно вэ
Сархад чамаас би сэтгэл зүрхээрээ дэнжин тавин гуйж байна
Саруул уудам нутаг, сайхан ардаар минь бүү тогло гуйя.

Тамхи

Янжуур нэрт хор чи
Яндан мэт утааг баагиулж
Улс орныг минь юунд дээрэлхэв
Ухаант ардын минь халаасыг юунд хоослов
Чиний бусдыг татах увидас агуу юм
Чамайг сонирхсод дэлхийгээр дүүрчихэж
Өөртөө чи үргэлж шинэчлэлт хийж
Өвчин зовлонд шинэ нэр томъёог бий болгоод л ,,,
Чамаас болж ганцхан амьдрах нас минь багасаж
Чандмань эрдэнэ үрс нь гаж төрсөөр л
Дээрэлхэж ханахгүй байна уу тамхи чи
Дэндүү хатуу шийтгэл оногдуулж байгаа юм биш үү
Бурхан чамд ингэж тушаагаа юу
Бүх дэлхийн ардыг сөнөө гээ юу
Хууль тушаалыг нь зөрчиж туслаач
Хувьтай төрсөн нэг л амьдралдаа жаргамаар байна....
  Чи бидний нэг л амьдрах амьдралыг битгий үгүй хийгээч
  Чинь үнэнчээр ганцхан амьдрах амьдралыг минь хүндлээч

Аж богд

Цэнхэртэн харагдах уулс нь сүрлэг
Цэлэлзэн харагдах тал нь сүрлэг
Миний аж богдын бүх л зүйл сүрлэг
Мэнэнгийн тал мэт уудам Алтайн нуруу нь ч сүрлэг
Уул усныхаа эзэн нь болсон ан гөрөө нь сүрлэг
Ургамал ногооныхоо хаан Вансэмбэрүү нь сүрлэг
Нутгаа санаад уйлаад очиход минь
Угтаад авдаг өвгөд хогшид минь намбалаг
Нууцхан сэтгэлээ тайтгаруулан хөрвөөгөөд буцахад минь
Бороогоор нулимс хийн үдсэн аж богд минь ээ
Янгир угалз аргаль нь онгон байгалиа хадгалсан
Яруу алдарт хүмүүс нь Аж богдоороо мөнхижсөн
Миний Алтайн нутаг миний түшиг тулгуур
Мөнхөд намайг овоглох байгаль эцэг нь билээ
Хээрийн галуудтай уралдан амжилтын төлөө зүтгэхэд минь
Хэнзхэн бор зүрхэнд минь нутгаа үүрсэх омогшил төрдөг
Тиймээ миний нутаг зүрхэнд минь аргамжаатай
Мөнхөд омогших сэтгэлд минь уяатай.

Аавдаа би хайртай

Ургах улаан нарны энерги шиг
Уудам монгол нутгийн минь тал шиг
Тэнэгэр хөх тэнгэрийн нэгэн үүл
Тэнүүн уужуу зантай аавдаа би хайртай
     --Хорвоо дэлхийн нэгэн үргэлжлэл
        Хонгорхон  үр нь таньдаа хайртай
        Хосгүй ертөнцийн бас нэгэн үргэлжлэл
        Хайртай үр нь таньдаа хайртай
Тэртээд харагдах хайрхан оргил шиг
Миний аав дэндүү нөмөртэй
Тэртээд үзэгдэх өндөр оргил шиг
Миний аав дэндүү ноён нуруутай
   --Хорвоо дэлхийн нэгэн үргэлжлэл
        Хонгорхон  үр нь таньдаа хайртай
        Хосгүй ертөнцийн бас нэгэн үргэлжлэл
        Хайртай үр нь таньдаа хайртай
Гэрлийн хурдаар өнгөрөх богинохон амьдралд минь
Гэгээ бэлэглэсэн аавдаа би хайртай
Гэнэн томоогүй зантай намайг хайрлаж үнссэн
Гэрэлт хорвоогийн амьд бурхан аавдаа би хайртай

Монгол

Хүлэг морьдын туурайн төвөргөөнөөр тамаглагдсан
Хүчит бөхчүүдийнхээ туурайн төвөргөөнөөр тамаглагдсан
Эрхий мэргэн харваачдын нум сумаар тамаглагдсан
Эрийн гурван наамдынхаа уухайн дуугаар тамаглагдсан
Миний эх орон нүүдэлчин монгол
Миний эх орон нэгдсэн тусгаар улс
Тоонноос гарах утаа нь араг савартайгаа хосолсон 
Тотгондох цайны цацал нь айлын эхнэртэйгээ хосолсон
Тулганд бадрах гал нь гэрийн эзний омогтой хосолсон
Тэнгэрт заяат ард бидний төрсөн нутаг монгол
Адуун сүрэг нь босоо заяат ардаа илтгэсэн
Аж богд сүрлэг уулс нь амьдралын ноён нурууг илтгэсэн
Мөнх цаст оргилууд нь ааьын минь нөмрийг орлосон
Энэ сайхан орныг МОНГОЛ гэдэг юм
Есөн эрднийн баялагтай домогт оронг МОНГОЛ гэдэг юм

Шүлгийн цомирлог

Уудам тэнгэрийн хаяан доор
Учралт чамтайгаа болзох юмсанУлайран жаргах нарыг ширтэн
Ухаалаг чамтайгаа хүслуу шивнэх юмсан
Намуухан үдшийн аниргүйн дунд
Нандин дурсанж бүхнээ сөхөн суух юмсан

Чамайгаа бүгдэнтэй нь зүйрлэе

Хайрын салхинд найгах цэцэгтэй зүйрлэе
Хэний ч хайрыг татах согоотой зүйрлэе
Аадрын дараа татах солонготой зүйрлэе
Алтран шалгартан мишээх нартай зүйрлэе
Намуухан шөнийг гэрэлтүүлэх сартай зүйрлэе
Найган бүжих цэцэгстэй зүйрлэе
Мөнхийн бэлэгдэл цагаан уул цэцэгтэй зүйрлэе
Мөнх хайрын бэлэгдэл ягаахан сарнайтай зүйрлэе

Шүлгийн цомирлог

Одод нэг нэгэндээ дурладаг л байхдаа
Орчлон хорвоо дэлхий ертөнцөд татагддаг байсан байхдаа
Шиврээ бороо наран хоёр хослох нь дурлалын төлөө л байхдаа
Сайхан чамдаа дурлах нь зүрхний л дүрсгүйгийнх байхдаа
Тиймээс л би чамдаа дурласан, хайрласан байхдаа........

Шүлгийн цомирлог

Тэргэл саран тэнгэрт ганц
Тэнгэрлэг охин газарт ганц
Алтан наран газар ганц
Амрагхан чи минь хорвоод ганц

Шүлгийн цомирлог

Бурхан надад зүрх бэлэглэсэн
Булиглан сангалзах сэтгэл бэлэглэсэн
Хэн нэгнийг хайрлах итгэл ч бас хайрласан
Харин хэнийг хайрлахаа өөрөө сонго гэсэн 
Амьдралд минь нэг л сонголт хэрэгтэй учраас
Амрагхан чамйгаа л би сонгосон юмаа

Ханиа зөв сонго

Амьдрал гэдэг далайг сэлүүрдэж туулдаг юм шүү
Аз жаргал гэдэг гүн хэсгийг хөвж туулдаг юм шүү
Энэ урт замыг ганцаар туулбал туйлдана шүү
Эр хүн хэмээх түшиг тулгуурыг зөв сонгох нь чухал шүү
Далайд бороо орвол давалгаа ихсэнэ шүү
Дан ганц 2 сэлүүрээр сэлүүрдэнэ гэвэл худлаа шүү

Хайрын тухай

Мөнх бусын энэ хорвоод би хүн болсон юмаа
Мөрөөдөх сэтгэлээр зэвсэг хийн хүмүүжсэн юмаа
Үзэсгэлэнт энэ хорвоод би хүн болсон юмаа
Үүрдийн биш зуурдын энэ амьдралд
Үнэнч хайртай охиноо үүрд хайрлах гэсэн юмаа
Бие минь насанд дарагдахын цагт 
БИ гэдэг хүний сэтгэл нь насыг дарна
Бидэн 2  нэгэндээ итгэвэл
Балчирхан хайр минь цэцэг болон дэлбээлнэ
Хавраар ургах үзэсгэлэнтэй цэцэгс
Хайраар ургасан сэтгэлтэй минь хамт хослох юмаа
Хайрандаа үнэнч сэтгэл минь
Харцаараа намайг энхрийлэх торомгор нүдтэй чинь хослох юмаа
Гар гараасаа хөтлөх нь бидний райын эхлэл
Гарамгай сайхан зангаараа нэгнээ татах нь бидний хаын үргэлжлэл...
Хээнцэрхэн ягаахан уруул дээр нь үнсэх нь
Хайрын минь мартагдашгүй өрнөл
Хамтдаа байсан жаргалтай мөч бүхэн минь
Хайрын минь гол санаа
Хэцүү бэрх зовлон дохиолдоход
Хань минь болдог нь миний хайрын халамжилсан санаа...................
Эрхэм энэ санаанууд нийлхээрээ
Эрдэнэт нэгэн хүн бий болдог юмаа
Энэрэлт энэ хүн мөнхийн хайрын минь эзэн
Эрхэмсэг тэргүүн дээд хүмүн
Энгүй ачит болор эрдэнэ минь юмаа
Хосоор амьдардаг хорвоод
Хосоороо гоёох би дуртай Хүний ёайхан сэтгэлээр замаа хийдэг хорвоод
Хувирашгүй ариухан сэтгэлээр нь алхах би дуртай
Алхахдаа би цэх гэгч нь алхана
Ардаа байгаа бүхнээ дахин дахин харна
Алдаа оноогоо хурдан хурдан засч алхана
Амьдрал гэдэг далайд живэх эрхгүй сэлнэ.

Намарт би дуртай

Намрын улирал нэг л гунигтай
Навчисаа гөвөх модод нь бүүр уйтгартай
Орчлон хорвоо нам гүн амьсгалаад л
Орон баг хугацаа удаан гэгч нь өнгөрөөд л
Бүх л зүйл нэг л тогтуун байх юмаа
Бие сэтгэл минь ч гэсэн наватай байх юмаа
Тэгэхдээ би намарт дуртай
Тэнгэр нь цэлмэг өдөрт нь дуртай
Хатсан навчисаа газраар хөглөрч байсан ч
Хатан зүрхэнд минь хайр дэлбээлдэг учраас би дуртай

Хайраа мэдрүүлмээр байна

Дурлал хайрын намуухан болзоонд
Дуулим хорвоогийн гэгээхэн хайранд
Дэндүү дассан чамтайгаа хамт байгаад л баймаар байна 
Санаснаар болдог бол хайрламаар л байна
Сар жил өнгөрөх тусам улам л хайрламаар байна.....
Зөндөө их хайрынхаа талыг нь ч болов
Зөрүүдхэн хонгор чамдаа мэдрүүлмээр байна

Жаргалтай амьдрах юмсан

Дуулимхан хорвоогийн нэгэн буланд
Дурлалт охин чамтайгаа 60-галтай амьдрах юмсан
Эргэх энэ дэлхийн нэгэн өнцөгт
Энхрий охин чамдаа эрхлэн амьдрах юмсан
Өдөр шөнө солигдох жамтай энэ ертөнцийн
Онгон дагшин байгальд нь чамайга жаргалтай амьдрах юмсан

Үзэсгэлэнтэй

Үүд хойморийн зайтай ургадаг вансэмбэрүү үзэсгэлэнтэй
Үүрдийн хайрын бэлэгдэл болсон зөрөг цэцэг үзэсгэлэнтэй
Мөнхийн хайрыг бэлэгдэх болсон улаан сарнай үзэсгэлэнтэй
Мөнхөд бадамлах цагаан уул цэцэг үзэсгэлэнтэй
Хайрын улирлыг илтгэх далий ягаан цэцэг үзэсгэлэнтэй
Хаврын өнгийг тотодгох монос цэцэг үзэсгэлэнтэй
Анхны хайрын намуухан болзооны гэрч алтан зул цэцэг үзэсгэлэнтэй
Ариухан хайрын минь гэхээхэн гэрч чи минь үзэсгэлэнтэй

Хайртай болчихож

Сайхан чамайг шохоорхоод байх юм
Сэтгэл зүрх минь санаад байх юм
Хонин бор нүд минь чамайг ширтээд байх юм
Хайрын галаар бадарсан сэтгэл минь дүрэлзээд байх юм
Өөрийн эрхгүй нууцаар хараад байх юм
Өөрт чинь баригдахвий гэхээсайн айн харах юм
Тиймээ би чамд хайртай болчихож
Тэнэгхэн зүрх минь чамайг санаад эхэлчихэж

Санаснаар болдог бол,,,

Ододоор хучигдсан үдшийн болзоонд
Омголон зантай хүмүн би
Сараар мануулсан шөнийн болзоонд
Эрхэмсэг зантай хүмүн би
Энэ орчлонгийн байхан бүхнээр бэлэг хийн
Бүсгүй чамдаа бэлэглэх юмсан
Булиглах зүрхээ чамдаа бүрэн даатгах юмсан
Зүрх гэдэг орон зайн хайрын ховдолд чинь
Зөвхөн ганцаар ноёрхон болзох юмсан

Итгэ

Жаргал зовлонгоо хуваалцана гэдэгт итгэ
60-н жилээр ч хамт байна гэдэгт итгэ
Итгэл сэтгэл минь чинийх гэдэгт итгэ
Ирээдүйд чамтайгаа жаргалтай амьдарна гэдэгт итгэ
Буруу юм хийвэл уучилж итгэ
Бусдаас харамлаж дахиад итгэ
Намайг гэх сэтгэлээ унтартал итгэ
Насаараа чамдаа хайртай гэдэгт минь итгэ
Хорвоо ертөнц бөөрөнхий гэдэгт итгэ
Хонгорхон чамайгаа хуурвал тэнгэр нэргэнэ итгэ
Бүсгүй заяат чи минь ганцхан гэдэгт итгэ
Хоёргүй сэтгэлээр чамайгаа энхрийлнэ итгэ
Нандин үерхэл минь гэнжлигдсэн гэдэгт итгэ
Насан туршдаа наддаа итгээрэй.

Охин үр

Энхрий үр нь болж жаргал бэлэглэсэн
Энгүүн ачит  охин үр нь болж жаргал бэлэглэсэн
Амьдралынх нь учир утга болж итгэл бэлэглэсэн
Ариухан хайрынх нь гүүр болж сэтгэл бэлэглэсэн
Амьд бурхан үр нь найз минь чи шүү дээ

Жаргалтай байна

Охин чинийхээ сэтгэлийн дөлөөр дулаацан
Орцонд чамдаа эрхлэн зогсох жаргалтай юмаа надад
Ирээдүйн амьдралаа ирэх бүхнээ ярилцан
Эрхэмсэг охин чамтайгаа байхад би жаргалтай 
Хайртай гэдэг үгийг чангаас чанга зориглон хэлэх 
Бардамхан зан минь бадамлан ассан учраас би жаргалтай
Ер нь л би өнөөдөр жаргалтай байна
Ертөнцийн бүх л зүйл надад таалагдаж байна
Амьдрах итгэл амьсгалах хайрыг бэлэглэсэн
Ачит охин хайрын бурхан чамдаа би хайртай
Зүрхний минь дурлалын судсаар чинии минь
Зөөлөн дулаан сэтгэл эргэлдэж байгаа учраас би жаргалтай байна
Энэ их жаргалыг минь мөхөөх хэрэггүй шүү
Эрдэнэт биеэ надад даатгавал би жаргалтай байлгаж чаднаа амлаж байна.

Эрдмийн ундрага

Арван тавны саран адил гэрэлтэх  юмаа  та

Аав ээжийн минь сүнс адил хамгаалах бурхан  юмаа та

Адгуус шиг байсан биеийг минь амьдралд хөл тавиулж

Амьтны ёсоор биш хүн гэдэг бодгаль болгожээ та.

Хоёр гарнаас нь амьдралын алтан зам гэрэлтэж байдаг

Хосгүй ухаанаас нь амьдрахын арга сурдаг

Наанаа загнасан ч цаанаа  бурхан шиг өрөвч

Намайг сургахын төлөө амьдралаа золиослогч

Буруу энгэртэй дээлий минь зөв харуулж оёсон

Бурхан та эрдмийн ундрага

Бусдын үрсийг өөрийнхөө  ертөнцөд урин залж

Бузар мунхагын эсрэг зогсдог буянтан билээ та

Жаргалын  алимыг ухаанаасаа ургуулсан

Жаран зуунаар дуурсагдах алдар гавъяаг өөртөө билэглэсэн

        Багш та өр нэхдэггүй өглөгч

        Багш та өгснөө буцааж авдаггүй саятан

Ус мөрний урсгал эхтэй байдаг шиг

Эрдмийн  ундрагын эцэг эх нь та юм.

Уул толгодын сүрлэгэнд нь нэр хайрладаг шиг

Ухаант хүмүүсийн дундаас багш гэдэг нэрийг таньд л хайрлажээ.

Дэлгэр монгол орны минь хөгжлийн түлхүүр нь багш

Далд байгаа хүний сэтгэлийг ухан уншигч нь багш

        Тэнгэр эцгийн үрс нь болсон багш та

        Тэнүүн дэлхийн аврал нь болсон багш та

        Дэлхий ертөнцийн нүд нь билээ багш та

        Дайсан үгүй жанжин билээ та.